སྔོན་འགྲོ་དངོས་གཞིའི་ལམ་བསྡུས།
༄༅། །སྔོན་འགྲོ་དངོས་གཞིའི་ལམ་བསྡུས་བཞུགས།
སེམས་ཅན་ཐམས་ཅད་སངས་རྒྱས་འཐོབ་བྱའི་ཕྱིར། །
དཀོན་མཆོག་གསུམ་ལ་སྙིང་ནས་སྐྱབས་སུ་མཆི། །
ན་མ་པཱུ་ཛ་ཧོཿ
བཛྲ་ས་ཏྭ་ཨཱཿ
དགེ་ལ་ཡི་རང་ཆོས་འཁོར་བསྐོར་བཞིན་བཞུགས། །
ཀུན་ཏུ་བཟང་པོའི་ཡོངས་བསྔོ་འགྲུབ་པར་ཤོག །
ཆོས་ཉིད་མི་འགྱུར་སྣང་བ་མཐའ་ཡས་ནི། །
འགག་མེད་སྙིང་རྗེར་ལོངས་སྤྱོད་སྤྱན་རས་གཟིགས། །
ཨོ་རྒྱན་པཎ་ཆེན་རྫུས་སྐྱེས་སྤྲུལ་པའི་སྐུར། །
གསོལ་བ་འདེབས་སོ་ནད་གདོན་བར་ཆད་སོལ། །
འཆི་ཁར་གནད་གཅོད་སྡུག་བསྔལ་མི་འབྱུང་ཞིང་། །
ཚེ་འདིའི་སྣང་བ་ནུབ་པར་གྱུར་མ་ཐག །
བདེ་བ་ཅན་དང་རི་བོ་པོ་ཏ་ལ། །
ཟངས་མདོག་དཔལ་གྱི་རི་བོར་སྐྱེ་བར་ཤོག །
ཨོཾ་མ་ཎི་པདྨེ་ཧཱུྃ།
ཨོཾ་ཨཱཿཧཱུྃ་བཛྲ་གུ་རུ་པདྨ་སིདྡྷི་ཧཱུྃ།
ཞེས་བར་མེད་དུ་བཟླའོ།།
རྒན་རྒོན་རྣམས་ཀྱི་དོན་དུ་རྒྱལ་བའི་མྱུ་གུ་མཁྱེན་བརྩེའི་ལྷས་སོ།། །།
